Well as yuh dun know TEENage did affi deh a Negril dis weeken', cuz dis week was all about Appleton Treasure Island (ATI) and Red Stripe Temptation Isle (RTI).

As yuh dun know, we a di numba one TEENmagazine and we jus' affi gi yuh di highlights of all tings dat happen dung inna Negril. Me have a few people fi give shout-out to cuz is because a dem mek ATI/RTI sweet. Firs' me mus big up me travelling partna dem Kyle an' Monique cuz di trip dung a Negril did sell off.

The TEENage crew bringing you highlights from Negril.

From the Juici Patty MUST-stop food shop, to di fruit pit stop, di journey did nice. In all a dis, we cah figet di driva Mr Watt, cuz him get we down here safe and enjoy we craziness pon di road. Big up to Jodi to altho' she reach ah Negril likkle late, but we enjoy di company dung a di hotel.

Ah crazy parrin' an ting. A big TEENage shout-out to David Walton and di rest of the ATI massive, cuz him sort out we passes an gi wi di daily update and ting. Me know di circumstsances an' me jus affi seh nuff rating to you mi fren an linkage fi di future.

We chat bout ATI, so we affi mention RTI to and sen' crazy shout-outs to Rasha Abbott, who sort out di tings dem and Chris Telfer and Alex Chin who did have dialogue wid we bout di events.

To the staff members from Beaches Sandy Bay, nuff love and respec', unnu sort out di tings dem wen we dere, especially Wayde, Bobby and Larilando as well as Ann Marie and Kadian, who did welcome wi wid nuff love. Beaches Sandy Bay to di wurl!!

Well, me jus affi seh big up to di nurse at Beaches, cuz a she save me life after Monique go gimme shrimp fi eat inna di restaurant. Thanks for di meds and the kind, but stern words nurse. Yuh did a bes'.

Di morning chef a Sesame Grill, big up yuhself cuz di food did jus' a bazzle!

All a di party dem did bad maad dis weeken' and bwoy me nuh know how fi choose which did better than di odda cuz a crazy vibes an ting did a run di place.

Yendi to di wurl' cuz altho' yuh neva get fi go ATI/RTI me hear seh yuh hott up di place dung a Denbigh an plus yuh keep mi company ah Stages, nuff love. BlackBerry to di werl!

To Shama and Jermaine and di res' ah di Smirnoff Exclusive crew, big up and nuff love fi di invitation dem to the Smirnoff Exclusive party altho' me neva get fi pass tru cuz me did swell up from di shrimp, but me hear seh it did gwaan good.

To all di beautiful people dem weh cum out and di true fashionistas big up unnuself. To everybody whe did look good up good up inna unnu name bran' tings, keep it up. To di man dem wid di mohawks and di crop circles, unnu surely bring it dis year. To di man wid di maddest mohawk inna Negril, Brian Lawson, yuh di boss, cuz dat hairstyle a mek it. Di whole a yaad need fi pree da look deh. It sell off!!

Final shout out to everybody who did jus mek di Negril Weeken' one a di bes'. Man like Dominic who par wid we di whole weeken, Jordan, Shelley-Ann who cause more traffic inna har outfits and Steven from thehitstrip.net who deal wid di picture ting dem nice.

Trousers in Denim

Cream of the 'Crop'

Cheeky's World