Intro

This is a prayer to the Fadda

Guide ma steps as you sit on your thrown

Show me the way fi get mi food and mi wata

And do nuh mek me grudge nobody fi dem own

Whole heap a people make bad mind tek dem ova

Cause dem a try fi face it all alone

So me a call pon di strength of di Fadda

Fi help mi fi work fi mi own

Chorus

Keep bad mind outta mi heart

Keep negative outta mi thoughts

Mi know seh it easy fi pree the wrong way

So Jah Jah please guide me everyday

Keep bad mind outta mi hart

Keep negative outta mi thoughts

Most high bless me yeah

Guide and protect me yeah

Verse 1

Well Fada,

The strength weh mi wudda tek fi bad mind a nadda man

Help mi use the strength fi try find a betta plan

The time mi tek a wish mi did have somebody life

Help mi pree mi owna life and try fi set it right [yeah]

Mi nuh waah fi pree nobody fi dem tings

Help mi fi go out deh go look mi owna tings

An’ I’m not perfect I’m just a man

That’s why mi call on yuh Jah fi keep mi strong

Fadda, before mi mind get bad

Betta yuh flip it round an’ mek mi mind get mad

Mi prefa fi work hard everyday

Fi achieve mi goal

Naah grudge nuhbody fi dem own

Chorus

Verse 2

Yow Jah Jah

Nuh mek me bad mind Addi fi di Gaza

Nuh mek me bad mind Killa fi di Range

Nuh mek me bad mind Beenie fi di Grammy

Jah Jah please nuh mek mi bad mind nuhbody

Nuh mek me bad mind Flippa fi di flossin’

Nuh mek mi pree Nitty Kutchie fi di clothes

Nuh mek mi bad mind D’Angel fi di store

Jah protect me forever more

Fadda, before mi mind get bad

Betta yuh flip it round an’ mek mi mind get mad [mek mi mind get mad]

Mi prefa fi work hard everyday

Fi achieve mi goal

Naah grudge nobody fi dem own

Chorus

Bridge

Well, Fadda mi give thanks fi life when mi wake up

Cause a you mek it still a gwaan

And even wen mi day nuh turn out like me want it to

Mi give thanks and mi move on

Bad mind live inna di soul and the heart of men

This fight is not an easy one

Jah Jah elevate me and make me a better man

Help mi to overstand

Fada, before mi mind get bad

Betta yuh flip it round an’ mek mi mind get mad [get mad]

Mi prefa fi work hard everyday

Fi achieve mi goal

Naah grudge nobody fi dem own

Chorus (x2)

Keep bad mind outta mi heart [outta mi heart]

Keep negative outta mi thoughts [keep it outta mi thoughts]

Mi know seh it easy fi pree the wrong way [it easy fi pree the wrong way]

So Jah Jah please guide me everyday [Jah Jah guide and protect me everyday]

Keep bad mind outta mi heart [outta mi heart]

Keep negative outta mi thoughts

Most high bless me yeah

Guide and protect me yeah